Ֆիկուս մակլելանդի «Ալի»-ն ֆիկուսի համամեմատաբար նոր տեսակ է։ Բույսը մեծ խնամք չի պահանջում․ հիանալի ընտրություն է տան պայմաններում աճեցնելու համար։ Այն ունի երկար, նեղ և սրածայր տերևներ, ինչի պատճառով հայտնի է նաև որպես նեղատերև ֆիկուս անվանումով։ Փայլուն կանաչ տերևներն ու նրբագեղ, կամարաձև ցողունները բույսին հաղորդում են արմավենու գեղեցիկ տեսք։ Բարենպաստ պայմաններում այն բավականին արագ է աճում և կարող է հասնել մինչև 3 մետր բարձրության։ Ցանկալի բարձրությունն ու ձևը պահպանելու համար բույսը հարկավոր է էտել։
Բույսի հյութը պարունակում է թունավոր կաթնանյութ, ուստի պետք է այն հեռու պահել երեխաներից և կենդանիներից։ Բույսը պարունակում է նաև ալերգեններ, որոնք կարող են առաջացնել ասթմայի ախտանշաններ։
